吳嘉龍和徐子淇等前晚在中環演出時裝展，影大合照時吳嘉龍抱起徐子淇，不知是否子淇過重引致吳嘉龍褲子爆胎，令他大出洋相，並講有味笑話以掩飾尷尬。
吳嘉龍、徐子淇、蒙嘉慧及倪震等前晚在中環出席英國名牌PaulSmith秋冬時裝展，眾模特兒站在限量版Triumph電單車拍照前，徐子淇坐在吳嘉龍大腿上，後來吳嘉龍更抱起她，不知是否子淇過重，引致吳嘉龍褲子爆胎。
談到爆胎，吳嘉龍大講有味笑話說：「可能係我『家傳珠寶』（familyjewellery）太大啦，今日（即前晚）都算好彩，我平時唔着內褲㗎。其實太大好恐怖，不過大家要記住我係混血兒，有一半英國血統，所以個鼻同……都算大。」
徐子淇嫌小兒科
吳嘉龍又說：「其實我着內褲都係中碼，可能今日着咗條冇承托力嘅內褲，就等如女人戴咗個冇承托力嘅bra，我着爆咗條褲，個老闆都叫我買番條褲㖭！」徐子淇事後作狀望着吳嘉龍的敏感部位，然後笑說：「小兒科啦！」問徐子淇是否過重令吳嘉龍爆胎？她笑說：「唔關我事㗎。」
倪震被問到女友周慧敏明年復出開個唱一事，他說：「一直都有人搵阿V（即周慧敏）復出，佢呢次出嚟唱都係為啲貓貓狗狗籌款。阿V歌癮好大，不過好少喺屋企唱，因為佢一唱歌，隻貓周慧豹就會兜巴打埋去。」
倪匡想回港定居
提到父親倪匡，倪震說：「佢不知活得幾精采，早前重同蔡瀾去澳門玩咗一日。佢話香港嘅活力感染咗佢，想搬番嚟定居㖭！佢𠵱家似細路咁，玩得開心時就好開心，玩到攰就扭計。」
採訪：RitaLeung 攝影：ChenWaiOn
