台慶劇《阿旺新傳》主角郭晉安昨日在海洋公園兒童王國，跟一班幼稚園生預祝萬聖節，起初一班小朋友對安仔有點陌生，大合照時，安仔問一小朋友可否錫他一啖，該小朋友竟然一手推開他，後來安仔以阿旺語調再次向小朋友索吻，一班小朋友隨即一擁而上，逗得安仔非常高興。
無綫為配合《阿旺新傳》宣傳，特別推出漫畫，安仔說：「我覺得好榮幸，電視劇只可以喺電視睇到，書就可以隨處買到，甚至全球都買得到。」
坐過山車狂嘔
安仔續說：「我記得十六歲嗰年幫海洋公園拍廣告，拍嘢之前大會送上好多美食，咁我唔執輸係咁食，導演開始拍就話坐過山車，點知我食得飽得滯即場嘔。」
採訪：楊潔雯 攝影：陳慧安