草蜢前晚舉行的演唱會演出極為大膽，偕六歲女兒到場欣賞丈夫蘇志威演出的劉小慧，對於老公在台上與男人嘴對嘴，昨日在電話中回應說：「我點講都唔中肯㗎喎，partpart都咁好睇，錫係gimmick（噱頭），事前阿細（蘇志威）都冇同我講，工作上嘅嘢，我唔介意。」提到其小女兒亦是座上客，小慧笑說：「個女好明白事理，唔使解釋、唔使同佢講，個女跟咗我哋咁耐都知啦。」
問鄭伊健是否覺得演唱會意識大膽，他說：「冇乜特別，《怎麼天生不是女人》本身首歌已經好有爭議性，舞台表演一部份啫，裸女嗰part好有美感，好好睇。」
而周麗淇亦在電話中說：「咀嗰part睇到嘩嘩聲，蔡一傑同蘇志威做得好好，大家咁熟，要咀係好難嘅事，噚晚伊健坐我側邊，我重問佢嗰兩個女仔係咪真係冇着衫，原來咁犀利，覺得好好睇、好勁、好舞台，畀一百分佢哋。」