《殘酷一叮》三位代表「掟包韓紅」傅詠茵、「啤神」吳啟龍和「唐山大兄」陳國華，日前代表香港參加《夢想中國》總決賽，雖然全軍覆沒，但卻喜獲表演嘉賓李克勤在後台召見和安慰，三人跟克勤見面，心情較參加比賽更緊張興奮。
無綫《殘酷一叮》三位代表「掟包韓紅」傅詠茵、「啤神」吳啟龍和「唐山大兄」陳國華，日前代表香港到北京參加中央電視台舉辦的《夢想中國》全國歌唱比賽，李克勤擔任其中一場複賽的表演嘉賓，陳慧琳和余文樂則擔任總決賽的表演嘉賓。
有體育精神
在初賽中一度獲得最多觀眾投票的「掟包韓紅」傅詠茵，以及「啤神」吳啟龍和「唐山大兄」陳國華在複賽中齊齊落敗。雖然全軍覆沒，但「一叮三寶」均認為有機會參與這項大型賽事，又認識了不少新朋友已感到很開心。
「掟包韓紅」傅詠茵說：「雖然複賽輸咗，但我哋都有應大會要求留到總決賽，俾大會讚我哋係最有體育精神嘅代表。今次比賽畀到我哋一個好寶貴嘅經驗，最難得嘅係有機會入後台同李克勤見面影相，我哋三個都好鍾意克勤，但喺香港參加《殘酷一叮》嗰陣，根本冇機會埋到克勤身，今次克勤喺後台休息嗰陣，畀我哋三個入後台探佢，佢知道我哋輸咗，都有安慰我哋，話『輸咗唔緊要，玩吓啫！』」
緊張過參賽
「啤神」吳啟龍亦說：「我哋見到克勤嗰陣，心情重緊張過參加比賽，克勤喺節目中話一心嚟同香港代表打氣，但嚟到之後明白點解香港代表會全軍覆沒，因為內地參賽者嘅水準太高喇。」
採訪：戴彩煥
