楊采妮（Charlie）在電影《再說一次我愛你》中，飾演心臟病患者，一度為愛犧牲，趕走心愛的男人。Charlie表示該電影想帶出一個訊息，就是叫忙碌的都巿人珍惜愛情，她還謂會叫所有朋友去看該片，包括上年已宣布分手的前男友邱韶智。
楊采妮在電影《再說一次我愛你》中飾演一個患上心臟病的女人，性格缺乏自信，終日疑神疑鬼，懷疑髮型師男友劉德華另結新歡，之後得悉華仔有機會到外地發展時，因不想成為負累，決定為愛犧牲，決絕地跟男友分手。
「同黎生係朋友」
Charlie日前說：「呢套戲係想畀個訊息忙碌嘅都市人，要珍惜同享受愛情，我會叫所有朋友去睇，都會叫邱生（邱韶智），不過我唔係要帶呢個message畀佢，因為睇戲每個人get嘅嘢都唔同。」
問Charlie會否叫緋聞男友黎明意會《再》片的訊息，她聞言即耍手擰頭說：「唔好玩我，我同黎生係朋友。」Charlie希望憑這套戲，希望大家能珍惜愛情，問Charlie若有機會再說一次我愛你，她會對誰人說呢？Charlie說：「呢句說話我會同我屋企人講。」
激動喊不停
一向斯文淡定的Charlie在《再》片中一反常態，跟劉德華歇斯底里地吵架，這場戲令她印象難忘。
Charlie說：「本身個角色係好柔弱，平時我都唔會發脾氣，做呢場戲時靠幻想同揣摩，諗到呢個女仔嘅遭遇，演嗰時可以鬧到歇斯底里，喊到一發不可收拾，導演嗌cut，但情緒仍然平復唔到，工作人員嚇到呆晒，即刻走埋嚟攬住我，安慰我，呢場戲係我印象最難忘嘅。」
採訪：馮美茵
攝影：仇志德
化妝：DephineChan
髮型：LianneWai04no8.Salom
服裝提供：BCBGMAXAZRIA
場地提供：置地文華東方酒店
