失業率再跌，僱主請人冇以前咁易，代理行猛咁開分行，成為最急於要請人嘅行業，美聯噚日參加勞工處及僱員再培訓局合辦嘅「培訓招聘站2005」，希望招聘前線及後勤，主要搵十八歲或以上後生仔女。 美聯葉潔儀話，全日有近二百人應徵，七成揀做前線，唔少重係大專大學生。美聯搵咗幾個分行主管，為應徵者進行即場面試，啱嘅即請，唔使擔心畀對手搶去。