二手轉靜，實力唔夠嘅炒家，捱唔過冬，忍痛蝕賣。利嘉閣徐子豪話，有個買家五月市旺時，用百二萬買入沙田中心安寧大廈三百八十呎低層D，每呎三千一百幾，花幾萬蚊裝修，諗住賺番筆。 點知搞好裝修，個市唔同晒，獨旺一手，二手冇人吼，一心炒樓賺快錢嘅，既睇淡又急套現，惟有減價。 個安寧單位雖然最終以一百二十五萬賣出，扣除裝修成本及交易費，足足蝕五萬。佢重話以後唔敢貿然入市。