中大新聞與傳播學院呢個星期六慶祝成立四十周年舉行晚宴，噚日新傳校友會舉辦嘅第二屆「中大新聞獎」評審亦有結果。電子傳媒組由無綫新聞部特備節目監製區家麟奪獎；文字媒體就由《南華早報》記者RavinaShamdasani勝出。得獎者獲頒兩萬蚊獎金同獎座。
入行十五年嘅區家麟，曾經參與製作一系列嘅新聞節目，包括《中國人上太空》、《壩業》和《數學大師陳省身》。而RavinaShamdasani係喺香港土生土長嘅印裔人士，佢專責採訪人權及法律嘅新聞。
講吓呢個星期六個晚宴，會喺尖沙嘴美麗華舉行，啲畢業同學分布各行業，報名都幾踴躍，當然校友會主席李永安想再多啲人參加啦。
傳真︰2623-9278
電郵︰[email protected]