日本小泉首相趁中國太空人順利完成太空之旅，走去參拜靖國神社「贈興」，令到中日關係又再緊張起嚟。咁啱，香港嘅日本貿易振興機構（JETRO）噚日在九龍香格里拉搞咗個港日經貿合作研討會，八方於是走去聽吓。
貿發局前主席馮國經以利豐主席身份出席研討會，一如所料，佢猛話中日關係緊張唔會影響中日同港日嘅經貿合作，加上中港落實CEPA第三階段，第時「MadeinHongKong」嘅產品就會更加吃香云云。
日本著名企業伊藤忠商事嘅相談役（高級企業顧問）室伏稔都認為，中日兩方都深知雙方友好合作係相當重要，事件最後一定得到解決，始終會言歸於好。商人同政客，睇法真係好唔同。
傳真︰2623-9278
電郵︰[email protected]