對於劉德華未能入圍金馬影帝，影評人曉龍認為合理，他昨日在電話中說：「劉德華呢幾套戲變化唔大，《天下無賊》佢做一個正面、英雄嘅賊，都係佢向來做開嘅角色，《童夢》佢做十幾歲至八十歲分別亦唔大，主要係靠化妝而唔係演技，《龍鳳鬥》亦冇乜發揮機會。」
影評人己駿亦認同華仔已上映三齣戲的角色與以往分別不大，其中《天》片雖然拍得好但感覺「舊」，至於郭富城入圍，己駿說：「郭富城嘅角色有發揮，而且佢用誇張嘅演繹手法，七情上面，啱晒台灣人口味。」
千嬅演技進步
而鄭秀文的文藝作品《長恨歌》不敵楊千嬅的笑片《千杯不醉》，曉龍說：「鄭秀文好大程度畀佢唔流暢嘅普通話影響，而且佢肢體語言比較生硬。千嬅嘅角色就同佢平日嘅大笑姑婆有分別，有多啲內心戲，有深度，所以突出啲，不過佢攞獎機會應該唔高。」
採訪：張止寒