「Enoteca」意大利文解作「WineCellar」或「WineLibrary」，即一個可供品嘗美酒佳餚的地方。店主Robert將他的新餐廳以此為名，是希望把這種在意大利普及的餐廳酒吧模式的飲食文化帶到香港，記者發覺酒吧內的菜式都的的骰骰，原來係老闆希望配合客人佐酒時享用，密密傾時密密斟，咁先係蘇豪優皮㗎嘛！
記者：招佩珊
攝影：楊錦文
模特兒：Pian、Ricky、Karen（Salvador）
紅酒小食拼盤$150
有兩款分別佐紅酒或白酒的小食拼盤，食物味道偏濃，像巴馬火腿、莎樂美腸、巴馬芝士、橄欖等，配搭較強烈的紅酒就最夾，成為餐廳最熱賣菜式。
「我想做老闆！」
來自英國的Robert於10年前已在本地從事飲食業，由酒保做起，及後晉升至餐廳經理，近年多以Project形式替其他公司籌辦新食店。「今年年初，突然想擁有屬於自己餐廳嘅念頭，我亦非常幸運，遇上肯投資嘅拍檔。」與他合作還有他的太太Kim，她之前是在蘇豪區的飲食集團當總經理，二人的飲食業經驗相當豐富，構思混合餐廳加酒吧的模式經營，Robert解釋：「愈嚟愈多人鍾意飲餐酒，亦偏好的的骰骰嘅菜式，呢種意大利式酒吧就最適合不過。」
百幾蚊食8款小食
店內的食物以地中海菜及意大利菜為主，用料佔8成是海鮮、蔬菜、芝士及意大利火腿，有Pizza、沙律及三文治，但主打是賣相精緻、細細份的小食，可試多幾款不會太快填飽個肚。有4款拼盤，當中以佐紅、白酒的小食拼盤最抵食，一客百多元便可食到7-8款小食。一款小食由$38起，最貴的羊柳亦只不過$68，但用料相當講究，例如用更香滑的法國忌廉、味道更香濃的36個月巴馬芝士，記者最愛是經常出現於菜式上、紅當當的意大利枝茄，汁多鮮甜，比一般車厘茄更有茄味。
必吃4小碟
白蘭地鮮雞肝醬伴無花果醬配多士
自家炮製的鮮雞肝醬，香滑程度拍得住鵝肝，鮮製無花果醬更是一絕，其清甜可中和雞肝醬的膩口感，塗上脆薄多士同吃，味道一流。
梨配芝士意式烤麵包片
梨肉切片以牛油煎香，連同火箭菜及意大利Gorgonzola芝士放於麵包片上，梨肉味甜，正好配味道濃烈的Gorgonzola，食不慣濃味芝士最好不要揀。
炸雞肉芝士意大利飯球
將切粒的燒雞胸肉、香草、意大利飯撈勻，搓成丸再炸，夠咬口的飯粒混有半溶芝士及香草，香口又惹味。
香煎蒜辣大蝦
大大隻剝殼鮮蝦，咬下「索索」聲，蝦球煎後以辣椒、蒜及意大利番荽略炒，十分惹味。
香港鍾意飲餐酒嘅人愈嚟愈多，開店係要將意大利酒吧模式搬嚟香港。
烤吞拿魚串燒$62
吞拿魚輕輕煎熟，蘸以由芫荽、橄欖油及青檸汁調配的醬汁，吊起吞拿魚的鮮味。
地中海式漢堡扒包$88
紅當當的意大利枝茄，汁多份外鮮甜有茄味，伴碟的薯條撒上貴價海鹽，令漢堡包亦變得不平凡。
地中海式薄餅$98
正宗意大利的薄底Pizza，屬北部做法，厚一點點也不過3mm。6款選擇以這款最清新健怡，餡料是番茄、雅枝竹、意大利青瓜、橄欖等蔬菜。
食客兩句
高枱高櫈高人一等
notecaonelgin（25259944）
地址：中環蘇豪區伊利近街47號
營業時間：星期一至五12:00nn-2:00am、星期六及日11:00am-3:00am
座位：55個