興業愉景灣新盤尚堤,代理連日搞誓師活動,噚日輪到美聯,為咗唔想餐餐都係大班人企定定影相咁呆板,美記搞「尚堤大富翁遊戲」,傳達訊息話,若果想買尚堤,就要經美聯喎。 同時,等前線員工明白,命運由人創造,只要把握機會,就可以創富。咁機會係乜,唔使講都明啦。咁特別嘅場面,前線肯定記得尚堤呢個盤。 中原噚日都有搞尚堤誓師會,提到佣金問題,聽講可能高過兩巴仙。