去屆金馬影帝劉德華今年共有四齣電影報名角逐金馬獎，卻未能取得任何提名，華仔前日接受訪問時自言對演技感到滿意，但談到沒有提名時卻連聲歎氣，昨日他出席公開活動時，更一反常態地以一副憔悴面容示人。
台灣「第四十二屆金馬獎」下月十三日舉行，前日大會公布入圍名單，杜琪峯執導的《黑社會》有十一項提名成大贏家，相反阿杜的老友兼去年的金馬影帝劉德華，今年雖然有《天下無賊》、《龍鳳鬥》、《童夢奇緣》及《再說一次我愛你》四片同時報名金馬獎，但卻沒法入圍角逐「最佳男主角」獎，連今年有份與他合作的演員也全部「食光蛋」。與此同時，憑《三岔口》獲提名「最佳男主角」的郭富城，則爆冷入圍令人大跌眼鏡。
意興闌珊
「有少少贈興嘅感覺」
華仔前日接受電話訪問時，輕鬆地表示未有因落空金馬獎而感失望，但他昨日接受商台電話訪問時，卻顯得有點意興闌珊，更在電話中連聲歎氣，當被問及沒有提名的感受時，華仔說：「同你做訪問有少少贈興嘅感覺。」
華仔續說：「噚日（即前日）晏晝冇幾耐就已經收到消息，第一時間check楊采妮有冇、阿Sa有冇、黃日華有冇、莫文蔚有冇，所以真係……唉！都好，有一個好朋友入咗，就係江道海，馮小剛連導演都冇呀！」
問到華仔有否分析自己今年未能獲得提名的原因時，他顯得有點無奈，言語間更表現出對今年金馬獎用金鑄造的獎座大感興趣，他說：「唔知呀，出年啦！出年攞番個。佢話今年有個金㗎（指獎座），以前我哋嗰啲係青銅㗎嘛，成個金色㗎，佢曾經問過我一聲舊年嗰個希唔希望做番金，我就話唔得唔得唔得，今年攞啦！唉，真係自己攞嚟講。」華仔又表示對自己今年上映多齣電影中的演技感滿意，他說：「我覺得今年嘅票房呀、演技呀都OK㗎！」
昨日華仔一臉倦容地出席在奧海城舉行的「全城護眼108」啟動儀式及頒獎典禮。他與楊采妮及蔡卓妍合演的《再說一次我愛你》，將與杜琪峯的《黑社會》同期上映，《黑》片剛獲金馬獎十一個提名，華仔也坦言《黑》片比《再》片有優勢，他說：「《黑社會》係着數過我哋部戲，我諗會有好多男仔想帶女朋友去睇《黑社會》，覺得可以保護到佢哋。」問華仔是否已打定輸數？他說：「唔會，不過《黑社會》係着數啲。」
千嬅興奮
「完全冇諗過好驚喜」
另一方面，鄭秀文（Sammi）出盡九牛二虎之力演出的文藝片《長恨歌》，在金馬獎中亦沒有任何提名，早前她接受吳君如主持的電台節目訪問時，曾表示若《長》片無法取得影后提名會十分傷心。吳君如昨晚凌晨在節目中談到金馬獎提名時，對《長》片沒有提名表示十分奇怪，又假扮致電Sammi說：「Sammi我哋支持你，唔好失落。」相反，楊千嬅憑談笑用兵的《千杯不醉》入圍「最佳女主角」獎，未免讓人感到有點意外。
千嬅昨日到上水出席港台活動，談到入圍金馬影后時，她說：「完全冇諗過，好驚喜，啲人同我講時重以為係講笑，我喺演戲呢方面成世都係一個學生，至於話睇好邊個，我冇睇過其他人嘅戲，不過另外三個女主角一定係前輩，我只會以平常心面對，女主角唔係個人事，係全體嘅。」
問千嬅可會仿效鄭秀文淡出歌壇專注拍戲，她說：「唱歌對我好重要。」千嬅指《千杯不醉》不是自己最滿意的電影，她說：「每部戲都令我成長，好似《餃子》係一個轉捩點，佢令我學投入，唔拍呢套戲，我成世都唔會成長。」
採訪：陳月萍、羅慧敏
攝影：仇志德、陳慧安
