向來籌款了得嘅理工大學校長潘宗光，近日搵到新招籌款，逸蘭酒店及服務式住宅管理有限公司副主席何富華答應捐錢畀理大酒店及旅遊管理學院發展，重捐成一百萬美金咁多㖭！不過，理大應該都唔會喺短期內收到呢筆捐款，因為何富華表明，呢筆錢要等佢同佢老婆死咗先會捐出嚟。
六十六歲嘅何先生同五十八歲嘅何太噚日出席簽約儀式時表示，兩人都已經半退休，所以未死之前都唔打算捐出巨款。八方啲行家追住問潘校長，咁幾時可以攞到呢筆錢呢？佢面有難色咁話：「如果我話愈快攞到愈好，咪即係咒人哋快啲死？」
傳真︰2623-9278
電郵︰[email protected]