【本報訊】城中神秘富豪招友全行事一向低調，低調到其子女也不知道他如何發迹：「我好細個就知道老竇好有錢，但老竇成日話有錢唔好張揚，張揚有錢唔係件好事！」招友全女兒招文珊表示，雖然父親生前擁十億身家，但父親每月給各子女的零用錢只是五千至萬多元。
父指很多錢存在瑞士銀行
對於父親的發迹史，阿珊顯得一臉惘然地說：「我都唔係好清楚，總之好細個時就已經住碧瑤灣二千呎豪宅，出入坐勞斯萊斯，但𠵱家阿爸死咗，我哋就乜都冇嘞！」文珊表示，她和幾個弟妹現時要迫在一個公屋單位同住。
「講都冇人信，阿爸雖是富豪，但從來無送過一件值錢嘅嘢畀啲仔女，至多請去外國旅行或打邊爐食餐飯。」現年二十八歲的招文珊又說：「阿爸做人處事好飄忽，成日唔知佢去咗邊，有時可以幾個月都唔見人影。」
文珊又表示，以前父親曾帶過他們幾兄弟姊妹去泰國旅行，當時，父親在閒談時曾透露他有十億身家，有很多錢存在瑞士銀行，亦有在泰國投資寶石生意。
文珊說，今次父親突然去世，他們希望可以透過法律，取回自己應得的東西。
文珊表示，他們曾經向法律援助署求助，但結果遭到拒絕，其後得到一名律師協助才可以入稟法庭，要求取回部份父親留下的遺產。