1.醋意大發 怒打情夫
鐘世在設計一連串離婚計劃後，得知計劃中安排的男子與海江到外邊飲酒醉倒，鐘世醋意大發，一拳打在男子身上，由此得知自己原來仍愛着海江。
2.揭破奸計 大哭發洩
當海江看到鐘世的離婚計劃後，一心想與他離婚，但內心仍愛着對方，大感困惑，思前想後，心生不忿，在家中大哭發洩。
3.如願以償 心情失落
海江知道鐘世仍與初戀情人來往，決心主動提出與鐘世離婚。當鐘世當面聽到海江提出離婚的要求後，心情異常失落。
4.多番歷練 終成眷屬
達平與朝蘭經過多番考驗後，終得知朝蘭懷有五個月身孕，並願意下嫁自己，有情人終成眷屬，大團圓結局。
5.開導情敵 各覓真愛
初戀情人的金汝真丈夫早死，拋下她和奶奶、叔叔及女兒過生活。在多次遇到鐘世後，心情複雜的她與海江傾談後，終肯定了自己最愛的始終是已過世的丈夫。
煲碟妹評語：有經歷更有共鳴
一心以為一個浪漫嘅愛情故事，但係講嘅原來係兩個比較寫實嘅故事，總算有啲意外驚喜。煲碟妹就覺得呢套劇啱晒一啲有多年感情經歷嘅男女欣賞，無論感情穩定嘅情侶同愛情失意，喺裏面都應該可以得到共鳴。而劇入面有熟口熟面嘅首醫女張德出現，睇慣佢嘅古裝造型，時裝反而有啲新鮮感。
娛樂性：★★★
演員表現：★★★
劇情：★★★
（編註：五粒★為滿分）
明日預告：聽日煲碟妹會介紹由霍建華、溫兆倫主演嘅台灣劇集《千金百分百》，記住唔好錯過呀。