一個乍涼還暖嘅早上，膠袋人現身中環，為地球請命！微風吹拂，膠袋人一路行，一路發出沙沙聲，不知幾有詩意。行吓行吓，呢個成身袋嘅怪物就行到中環政府總部門外。總部大閘嘅保安員見到佢，一時唔知佢係膠袋定係人，流露出抗拒嘅神情。
膠袋人（圖）其實係綠色學生聯會成員Philip，佢噚日同聯會代表遊行到政府總部，打算向行政會議成員請願，要求政府立法管制氾濫全城嘅膠袋。政府總部嘅保安人員以膠袋人唔尊重場合為理由，唔畀佢進入總部。膠袋人個樣係趣怪咗啲，但係佢又唔係要入去騷擾啲官員，只不過係遞吓請願信啫，如果政府咁驚膠袋嘅話，應該諗吓辦法，減少啲膠袋重好啦。
傳真︰2623-9278
電郵︰[email protected]