近年香港電影業市道持續低迷，一年都冇幾多套真正港產大片上映，噚日電影界終於傳出好消息，由洪金寶、吳建豪、余文樂、夏雨、黃聖依、周俊偉、李冰冰、南韓演員許峻豪等主演嘅新片《猛龍》，被中國國家博物館列為永久收藏展品，香港電影界今次認真威水。
《猛龍》預計年底先會喺香港公映，呢套劇由李仁港導演，動作指導係錢嘉樂，劇情主要講香港回歸後，中、港警察同國際刑警聯手打擊亞洲區黑幫，據了解，國家博物館就係睇中《猛龍》內容夠正氣，所以列為永久收藏展品，電影公司噚日更將一幅演員簽名電影海報送畀國家博物館。
傳真︰2623-9278
電郵︰[email protected]