甚少露面嘅電盈主席小小超李澤楷噚日又同個女仔喺演藝學院出現，重任影唔嬲！？唔使講一定係同佢最錫嗰位表妹Karen莊啦，八方都有小小失望，因為真命天子重未現身。
話說噚晚小小超為咗支持專為邊緣青少年提供服務嘅協青社，贊助咗《仙樂飄飄處處聞》音樂劇，重邀請特首、特首夫人、曾俊華局長以及一眾友好欣賞。
八方知小小超成日周圍飛，但係做善事佢又的確好落力。小小超在場，少不了蘇澤光。蘇兄噚日獲委做新成立嘅「電影發展委員會」主席，任期兩年，下個月一日起生效，真係恭喜佢。
傳真︰2623-9278
電郵︰[email protected]