新地觀塘apm商場宣傳攻勢未停過，噚日又有新招吸引消費者，推出「密密食優惠行動」，十一月四號前，只要喺任何兩間食肆消費滿二百蚊，以兩張同一星期嘅機印發票計算，可以換取五十蚊餐飲現金券。 十一月底前，消費滿一百，可以有兩個鐘免費泊車優惠，優惠適用於禮拜一至五，中午十二點半至兩點半時段。 不過，蘭西較早時揸車去apm，發現商場車位認真唔夠，特別係夜晚有免費泊車時段。