印度貧富懸殊都幾嚴重，最近印度孟買有建築商為咗照顧當地嘅有錢人，準備喺靠海嘅高級地段起兩幢豪華住宅大廈。話就話有三十一層，但係十四樓開始先有住宅，原因係呢個層數以上嘅高度先可以睇到海景喎。咁地面至十三樓會做咩？建築商話唔會起停車場，就等兩幢實際上只有十七層住戶嘅大樓起喺懸空嘅樑柱上面，咁樣先有氣派喎。