女子組合Cookies成員鄧麗欣早前到貝沙灣，參觀了一個價值三千萬的複式單位；其隊友傅穎日前亦現身跑馬地蔚雲閣，參觀約一千一百萬的千呎單位。傅穎表示今年終於儲夠彈藥，更豪氣地說：「今年搬硬！」
女子組合Cookies成員傅穎（Theresa）日前現身跑馬地一帶睇樓，更在經紀引領下到鳳輝臺蔚雲閣參觀。
上周五下午四時許，身穿便服的Theresa與一名經紀同於跑馬地街頭出現，當時二人正步往蔚雲閣，內進後逗留近二十分鐘。
據地產資料顯示，蔚雲閣樓齡十三年，靠馬場單位面積達一千一百呎，設有三房一廳，市價約為一千一百萬。
等候稅單發落
事後記者致電Theresa，問她是否有意置業時，她表示：「未確定，我諗住同家姐搬出嚟住，今年搬就搬硬，但要睇埋份稅單先。」她稱現時與家人同住，但為免打擾母親上班和胞弟上學，所以決定跟姊姊「離家出走」。
近期Theresa的工作排得密麻麻，除先後拍攝多個電器及護膚品廣告外，在中秋節其間還跑了幾趟到內地和澳門登台，故儲了一筆私己錢。Theresa笑謂：「我入行第一年已經想買樓，都慳埋慳埋㗎！呢排又拍咗幾個廣告，都儲夠錢畀首期。」
屬意選藍塘道
雖然Theresa有意搬家，不過她表示看過蔚雲閣後覺得不太適合，她解釋：「層樓同價錢唔合比例，貴咗啲。之前我有睇過藍塘道嘅單位，睇落OK，上車落車重超方便㖭！」
採訪、攝影：娛樂突發組
