前晚一眾歌手李克勤、官恩娜（Ella）及梁靖琪（Toby）等，於電視城為《唱好基本法》節目錄影。
花九月宣傳大碟
對於早前有指克勤欲在該節目獻唱主打歌《情非首爾》，因不切合基本法主題，故未獲准出席該節目，他表示：「咁我係基本法宣傳大使之一，而大會事實上又想我嚟參與，大家最後商量過，唱多一首《紅日》，咪大家開心囉，凡事都會有圓滿嘅解決方法嘅。」
當記者取笑克勤身為無綫契仔竟然膽敢「扭計」，他笑說：「我係乖仔，唔係契仔，我唔會扭計，咁喺唱片公司立場，當然係想我唱新歌啦。」
另外，克勤將會花九個月時間到內地及亞洲宣傳大碟，日前他於北京出席記者會時更將假鬍鬚掛於臉上扮演三國時期的人物。
採訪：馮美茵 攝影：陳偉權