潮流興玩高科技防盜，有無諗過好似占士邦007咁，任何時候都知道自己部車身在何方，其實只要善用手機功能，一樣追蹤到部車去咗邊，加以變化的話，重可以即時見到車廂情況。
記者：伍旋卓
一般數百至千元的汽車防盜，當感應到有人觸動車輛，只會發出警報，而高科技嘅衞星追蹤，最出位算係讓車主於網上查到汽車位置，不過呢種防盜安裝費要一萬蚊，月費約$288。我哋今次介紹嘅DIY汽車追蹤，其實係利用手機嘅功能，除咗睇到汽車位置外，亦可即時見到車廂實況。
準確度最高
透過手電測出嘅汽車位置，係利用收發站來測訂出，準確度甚高，由100碼至200碼範圍之內，加上有地圖顯示，一睇就知你部車去咗邊條街，而且不用電腦或互聯網，只需直接在電話上觀看就可以，真係去到邊，Check到邊。
睇車廂要自動接聽
要睇埋車廂情況，就一定要揀有自動接聽視像來電嘅電話，安裝於車廂唔多起眼嘅角落，無聲無息就見到有無人搞你個車廂。
DIY汽車追蹤器安裝費用：
＊手機兩個（二手）約$1,000（3G手機兩部約$3,800）。
＊有追蹤功能嘅電話卡兩張，3G卡月費約$246（兩張），包25個MMS。2G會便宜一點，但注意需要額外追蹤收費。
＊免安裝費，將手機放在車內任何一個角落，調校至靜音。一般標準電池可用三日，亦可用汽車充電配件，避免經常換電。
（上述價錢只供參考）