古天樂日前以百事代言人身份，獲安排到中國蘭州山區進行慈善探訪。原來該品牌過去數年都一直捐助中國婦女基金會發起的「母親水窖」項目，今年除了捐款外，還希望推廣水利工作，故邀請古仔呼籲大眾關注及支持。
踢波索晒氣
古仔抵達山區後，除到接受了水窖項目捐助的村莊和一些缺水的村落，還考察了水窖的工程，他說：「我最難忘係一對住喺山洞嘅夫婦，佢哋住嘅地方方圓十里都冇人，間屋冇窗，太太又全身癱瘓，但兩夫婦都互相支持。」
古仔續說：「我又去咗山區唯一一間小學探訪，我發覺小朋友好畀心機返學。」古仔還充當老師，與小朋友在空地踢足球，他笑道：「喺海拔二千二百米嘅地方踢波，我都喘晒氣。」
