楊恭如前晚與郭羨妮等在觀塘apm商場演出皮鞋騷，提到周正毅太太毛玉萍生病，問楊恭如會否探望毛玉萍時，楊恭如沉默數秒後謂記者應與她一樣，把過去的事淡忘，並指獲高人指點，要明年二月四日後才可再拍拖。
楊恭如、郭羨妮前晚聯同徐子淇和LisaS.等在觀塘apm商場，演出「Joy&Peace女人的魅力」鞋騷。與前上海首富周正毅傳緋聞的楊恭如，被問到會否探望周正毅太太、現正生病的毛玉萍時，楊恭如呆了數秒後才答說：「點解要探佢呀？都同我無關，你哋咁樣問我覺得好奇怪，我覺得你哋應該同我一樣，以前嘅事都要淡忘。」
與姚明做大使
跟着楊恭如說過去的事已過去，有高人指點她要明年二月四日後才可再拍拖，她說：「所以就算𠵱家有人追，我都係同佢哋保持朋友關係算啦。」
談到工作，楊恭如透露會擔任一豐胸產品代言人，屆時將會拍攝一輯泳裝照，她說：「選亞姐時都着過泳衣啦，只要係健康嘅性感我就冇所謂，𠵱家我好努力咁做機，療程要兩、三個月，醫師話我胸部嘅結構重停留喺十四至十八歲之間，重有發展嘅空間，我希望由BCup升到CCup就OK啦。」另外，楊恭如謂獲上海衞生局邀請，與姚明一同擔任預防愛滋病大使。
對馬浚偉決絕
此外，有份行騷的郭羨妮相比同場的模特兒，身高明顯矮了一大截，郭羨妮說：「我又唔係model，父母生我幾高咪幾高囉。」她表示現在感情空白，記者指舊的不去新的不來，她說：「不過等咗好耐都唔見嚟呢！」記者問她與曾結怨的馬浚偉再次合作拍劇，大可冤家變情人，郭羨妮對此決絕的說：「呢個係一定唔會發展嘅，冇機會。」
採訪：RitaLeung
攝影：HoKwokHo
