Sitthiporn
年齡：19歲
年資：5年
心聲：細時睇電視，見到卡通片入面隻高飛狗玩滑板後，就鍾意咗呢項運動。𠵱家幾乎每日都會踩滑板，美孚呢個場就變咗我哋嘅主場，一日至少玩四個鐘，平時亦會睇多啲外國高手嘅錄影帶偷師，間中亦會自拍錄影帶玩吓。
KK
年齡：20歲
年資：5年
心聲：踩滑板畀到我速度感，當然「型」亦係好重要嘅元素。𠵱家踩板已當成生活一部份，同時亦係一種消閒運動。玩咗咁多年，最傷一次係撞到腳趾骨移位，不過我都無理個傷勢，停玩咗幾個禮拜後傷口就自動好番。
Ivan
年齡：19歲
年資：3年
心聲：最初接觸滑板運動，係因為家姐有玩開，所以跟住去玩。玩滑板最好嘅原因就係可以隨時隨地玩，冇場地同時間限制。𠵱家自己已差不多有十塊滑板喺屋企，雖然有啲已經「退役」，但收藏都係一種興趣。
