發展商買地起樓，雖然好多都「大小通吃」，但若果有得揀，肯定要塊大地皮，原因係同成本有關。 聽佢哋講，除咗建築成本之外，細地盤要做嘅工夫同大地盤一樣咁多，但有唔少支出就比大地盤高。 點解？以處理廢料為例，大地盤空間大，好多廢料可以放埋一邊，集齊一次過至搬走；但細地盤就唔理多少，都要即刻運走，以免影響建築進度，咁成本咪貴咗囉。