朋友話請食飯，我呢啲貪得無厭嘅好食之徒當然唔會放過大好機會，但當佢話我知係去一間飯店度食嘅時候，我不期然暗忖：「去飯店食咁老土，唔襯我喎。」在半推半就下終於去到佢口中嘅飯店，一望之下，原來係一間花上300萬裝修的摩登中菜館，連菜式都大玩EastMeetWest同International，款款都同我一樣咁潮，襯到絕！
記者：黃婉冰
攝影：陳陶鈞
法式片皮雞$90/半隻
把原隻鮮雞烤熟可把多餘的雞油燒走，連皮帶肉片切成薄片，再夾着一片法國鵝肝醬和中式炸饅頭，入口時先是雞皮的香脆，然後透出陣陣的鵝肝濃香，最後是超鬆軟的饅頭，三重味道層次分明。
酒樓坐梳化勁歎
老闆阿Ken花了三百萬來布置新店，由著名設計師向展飛親自操刀（王子酒店亦由他設計），偏廳可變成privateroom，特矮的梳化椅背讓客人墊着手來坐，還有馬蹄形梳化，讓客人更自成一國，設計摩登得來不失舒適和實用性。
餐牌三個月轉一次
雖說菜式全以創新作主打，但原來其班底全屬有豐富經驗的人馬。由幕後「煮」腦人到樓面經理，全都是以前金龍船的開荒牛，每晚老闆、大廚、經理都會商討新菜式和檢討客人意見，有時候又會齊齊周圍走，搵食諗新菜式，所以，餐牌每三個月就會轉一轉，令客人可以保持新鮮感。
踏雪尋梅$58
由傳統炒鮮奶充當白雪，在雪白的蛋白內不但尋得草莓的蹤影，還有海鮮粒、芒果肉，用生菜葉包着來吃，菜葉的清新爽脆口感和生果的甜香，把炒鮮奶的膩感減低，鮮奶不會過油亦不會過老，食法很新鮮。
冰鎮黃鱔$58
這是大廚和老闆阿Ken由上海取經返來再改良而成，選用台灣最肥最粗身的黃鱔，起肉後調味再灼至剛熟，再一次調味，然後立即放入雪櫃內，將肉汁鎖住，食時蘸上日本芥辣和豉油，鱔肉入口嗦嗦聲，好有食刺身的影子。
西班牙焗紅茄$22/客
概念來自西班牙番茄節的西班牙焗紅茄。挖空中間放入用牛油炒香的洋葱、白菌、豬肉碎、北菇等配料，再撒上芝士輕焗，酸甜清香的番茄平衡了芝士餡料的膩感，提議食時挖少少番茄肉，連同餡料一齊食，味道會更佳。
揼本豪裝
阿Ken由煮粥到做老闆
旺角老街坊一定知道富記呢個名，無錯，富記飯店其實就是在花園街屹立十多年的富記粥品的姊妹店，想當年這間粥店就有不少明星光顧，今次開設新飯店的幕後功臣阿Ken，正是富記粥品創辦人何富的姪仔。
「我姑丈五十幾年前只係喺上海街推車仔賣粥，後嚟搬入舖，十幾年前再搬去𠵱家花園街呢間舖，我十七歲就開始喺粥店廚房幫手，做咗二十幾年。我覺得舊店環境始終較逼，而且舊舖走熟客路線，新店希望可以吸引後生仔女，但食物方面一樣會以新鮮同無味精為大前提。」
店名：富記飯店
地址：彌敦道620號瓊華中心5樓
訂座電話：23843388
營業時間：中午12時至凌晨3時
座位：120個