行將被拆散嘅食環署有新諗頭，就係喺十月流流宣布會搞個「團年飯菜餚設計煮食大比拼」，呢個烹飪比賽，設冠亞季軍各一名以及三名優異獎，優勝者除可獲獎盃外，亦可獲總值超過一萬元嘅購物禮券。
食環署搞烹飪比賽聽落都相當不務正業，原來佢哋係想曲線催谷吓轄下公眾街市嘅生意，透過呢個活動，鼓勵市民購買食環署街市有售嘅材料烹調團年飯菜餚，所以初賽同決賽都會安排喺街市舉行。呢個月二十四號就截止報名喇，有興趣早幾個月就諗定團年飯食乜嘅，可致電28675256向食環署街市推廣小組查詢。
傳真︰2623-9278
電郵︰[email protected]