語文教育及研究常務委員會（語常會）上周安排咗一場由小學生擔綱演出嘅莎士比亞名著《仲夏夜之夢》，作為佢哋首度舉辦嘅「英語節」其中一個項目，吸引到一千七百名小學生到場觀賞。
有關表演經特別改編，等啲小學生都可以領略呢齣不朽名著嘅真諦。而參與演出嘅一百五十名小學生，分別來自十二間學校，喺公演之前接受咗長達八個月嘅訓練，學習台詞、舞台表演同埋後台製作等技巧。
語常會主席田北辰讚揚呢次演出十分成功，特別係一眾小演員嘅英語演繹。圖示其中一幕，講述一眾扮演工人嘅小朋友，被波頓嘅「驢頭人身」嚇親，睇落佢哋啲演技又幾逼真喎。
傳真︰2623-9278
電郵︰[email protected]