大賣CEO生活概念嘅大角嘴君滙港，未見有CEO買家，先見有藝人高調現身中環國金售樓處，纖體代言人陳彥行同陳伶俐，據說分別洽購一座高層F，及二座高層D二千餘呎海景單位，每伙二千幾萬。 經紀噚日一早收到風話有姐仔出現，但經過悉心打扮嘅行姐與姊妹姍姍來遲，老記等足粒幾鐘，甫見伊人竟向發展商高層大讚君滙港向南風水好，跟住同代理入貴賓室密斟，唔知最後買唔買得成。 據悉，恒基高層林高演噚日都睇過示範單位，但非常低調。