陳慧琳（Kelly）昨日出席在澳門金至尊第一分店開幕禮擔任剪綵嘉賓，現場有醒獅助興，擠滿二百多人圍觀，場面非常熱鬧，Kelly先戴上一套價值八十八萬元的火鳳凰鑽飾點睛，其後又換上珠寶商送給她的一套價值一百二十八萬元的美人扇鑽飾，Kelly說：「佢哋真係好疏爽，每次活動都會送一套首飾畀我。」
未有打算結婚
最近Kelly被雜誌拍得與男友同居，並傳出好事近，問可有其事？Kelly即澄清：「梗係唔係同居啦，都講過好多次唔係同居，我哋有排先結婚，如果我結婚一定會同大家講，唔會收埋。」問到男友可有投訴被人偷影？Kelly即說：「梗係有啦，佢話睇到都唔開胃呀，佢係一個普通人，影佢做乜喎。」
此外，對未有出席《翡翠歌星賀台慶》，被外界指不怕得罪無綫時，Kelly解釋：「因為我要做內地演唱會巡迴，無綫都知道。」
採訪：胡比
