做家務其實真係好鬼辛苦，體力勞動腰痠背痛唔在講，日日對住個地拖掃把，唔悶死先奇！但係呢三個眼仔睩睩、笑瞇瞇嘅吸塵機紅遍全世界，除咗睇得，功能重頂呱呱，比得上專業清潔用具，平時放喺廳當裝飾都得啊！
記者：鄺天樂
攝影：陳陶鈞
Model：Jackie@Salvodar
超Cute公仔紅透日本
見到呢幾個笑瞇瞇嘅面孔，係咪覺得熟口熟面，因為佢哋喺日本好Hit，打開日本產品雜誌，經常見到佢影蹤，佢重紅到文具、飾物以至電話繩等都有出品！由英國專業吸塵系統Numatic出品，Numatic於1969年在英國成立，更擁有超過30年生產專業吸塵機技術，主角Henry1981年出世，咪以為佢得個樣，Numatic將專業技術與趣致樣貌混合，實行睇得又用得。當中紅色的Numatic及HenryMicro型號，更有雙摩打設計，1200W就可以發揮2400W的雙倍吸力。識貨嘅香港人恨咗好耐，佢哋最近終於來到香港，售賣一個月左右Sogo就斷貨！
自動導航無線掃地機
這部RoboMop自動無線掃地機，當遇到障礙物時會自動轉換方向，機底設有除塵紙，所到之處的灰塵、毛髮等一一掃走。體積輕巧，梳化底、床下底都難唔倒佢！除塵紙可選購專用型號或是於市面購買除塵紙自行裁切亦可，還可選擇30、60、90分鐘定時工作㖭！
售價：$399
（隨機附送專用除塵紙10張）（d）
單手掃地都得
好的清潔工具，分分鐘幫你唔少，減低清潔家居的勞動指數！好似呢個德國高潔牌無線電動掃把，一邊掃一邊吸，Jackie眼尾望幾望，單手就可以打掃妥當，同時將垃圾自動吸走，方便至極！售價：$680（a）
慳地方吸塵機
樂聲牌直立式吸塵機，具有500W吸力，特有負離子地板吸嘴，可將沙麈微粒徹底吸淨外，重配合旋風式集塵箱設計，時刻保持吸力，而且機身輕巧容易收藏，適合香港小家庭。
售價：$698（c）
Innotec無線吸塵掃把
可邊掃邊吸，免塵埃在空氣中飛揚，重有兩款塵掃及吸嘴，方便你吸屋企門縫櫃罅位。無線方便之餘，更可長柄手提兩用，配備實用充電座，方便安放吸塵掃把及配件。
售價：$298（d）
離心力過濾系統
玩離心力的吸塵機你見過未？飛利浦的Marathon旋風吸塵機，擁有350W強勁吸力之餘，還具獨特的離心力過濾系統，以旋風式強烈氣流產生離心力，將塵埃微粒留在吸塵機內，排出100%清新空氣，適合容易鼻敏感的香港人。
售價：$2,698（a）
乾濕兩用機
意大利Polti水濾式多功能乾濕吸塵機擁有1200W吸力，配有Polti專利的Eco-Active水過濾器，可將塵埃等經由過濾器以水排出，有效保護家居環境之餘，亦可隔絕塵埃、細菌、花粉及病菌。
售價：$1,980（d）
蒸氣吸塵殺菌萬能俠
講到無廢氣吸塵機，又點可以冇OSIMiEcologi呢？iEcologi集蒸氣、吸塵、殺菌功能於一身，1050W吸力之餘更可噴出超乾爽蒸氣清理地氈、地板，以及各種家具，同一時間達三重清潔功效，省時又衞生。
售價：$6,880（b）
發放香味吸塵機
普通吸塵機用耐後，不論你如何勤力地更換塵袋，亦難免會在使用時聞到陣陣異味。這是由於塵埃積聚於吸塵機內細菌滋生引致，飛利浦的Jewel390W吸塵機特有活性香薰裝置，能去除異味外，重配有專利全能潔塵吸扒，實行乾淨得來又香噴噴。
售價：$1,698（a）
吸塵機Watt數身世之謎
買吸塵機時，售貨員例牌將各機種的Watt數一一讀出比較，但事實又有幾多人聽得明呢？其實吸塵機的Watt數（即電功率）由300W起，吸力式吸塵機的電功率愈大，吸力愈強。一部850W吸力的吸塵機，已適合一般家庭使用。不過香港空氣污染日益嚴重，灰塵愈來愈多，吸塵機要多少Watt數，就因應各人所需喇！
（a） 西田百貨（26941111）
沙田新城市廣場第三期2樓
（b） OsimGlobalHealthCare（21753360）
尖沙嘴海港城3樓3317號舖
（c） 中原電器（26997299）
沙田新城市廣場第一期6樓615號舖
（d） 名氣佳（26965769）
沙田中心3樓29C號舖