沙田第一城係新界區指標屋苑，成交喺十大屋苑前列，但近排二手交投放慢，業主想快手出貨，要減價至得。中原陳世民話，四十三座中層F，三百九十五呎，業主以低市價近一成半放售，即刻獲投資者以一百一十萬承接，每呎二千八，七年蝕三十三萬八。 買家執平貨後，計劃裝修吓個單位，年底前出貨。 十月上旬，第一城只得二十五宗買賣，呎價三千二百五，唔少業主見成交放緩，肯接受大啲嘅還價，甚至主動減價三巴仙，結果多咗投資者吸納。