澳門開放賭權，加上投資移民政策，搞到經濟火熱，到四月份，政府收緊呢項政策，熱潮驟降，利嘉閣澳門表示，政策吸引到嘅資金，較舊年減少六成。 利嘉閣余浩銘話，樓市嘅投資移民資金只佔一成，其餘以港澳為主，未至影響樓市太大。利嘉閣施清淵話，大部份投資移民傾向買約二百萬嘅二手樓，重起碼揸三至五年，先至諗放售或者換樓。 雖然投資移民門檻提高，短期對市場有啲影響，但余浩銘話，長遠有助提高澳門人才質素，對樓市反為有利。