煲呔唔鍾意肥平何志平（圖一）已經唔係新聞，八方聽聞煲呔重開始唔多鍾意瘦平王永平（圖二）㖭，因為公務員事務局不時有料漏，好似喺競選之時，就整單煲呔力撐愛將朱曼鈴升職嘅勁料，搞到佢老哥好鬼㷫。
所以有人就傳，煲呔搬唔郁肥平，但都夠力搬瘦平，如果有朝一日鬍鬚仔曾俊華真係要去做特首辦主任，咁瘦平分分鐘要去接工商及科技局個位，做番佢老本行。
當然，一切調動都要等鬍鬚仔搞掂埋個世貿會議先有得郁，本來公務員事務局漏料，未必同瘦平有關，但係特區嘅人事組織局局長咁重要嘅職位，冇理由唔畀自己人做，嗱，𠵱家做緊常任秘書長嘅黎高穎怡就係肥龍許仕仁嘅愛將，由佢接位就非常合理啦。
傳真︰2623-9278
電郵︰[email protected]