美聯慈善基金會較早時為奧比斯籌到十萬蚊善款，管理層上周六獲邀，參觀飛機醫院，睇睇佢嘅設施以及工作安排等。 美聯慈善基金會會長林鳳芳，帶埋仔女一齊去見識，佢睇完之後話，覺得啲捐款用得好有意義，而且可以積極喚起市民關心社會。 呢架奧比斯眼科飛機醫院，係由一架DC-10飛機改裝而成，載住啲醫療隊及器材，去發展中國家，為當地患眼疾人士做手術。