中原地產搞嘅網上電視台CPN，上個月底正式啟播，未夠一個月，但已經搵咗好多唔同行業嘅業內人士做訪問嘉賓。聽中記講，首兩周已經有一萬二千六百瀏覽次數，重有唔少觀眾下載短片。 咁多集短片，究竟邊輯最受歡迎呢？答案唔係集團主席施永青嘅訪問，而係中大社會學系教授呂大樂、有關「香港人與樓」嘅訪問，佔咗逾二千人次瀏覽以及下載。 為咗慶祝啟播成功，中原董事總經理黃偉雄同執董張奕威，請各有關員工食番餐慶功宴。