呢排本港大學紛紛獲得捐款，今次終於輪到城大攞到錢，呢筆錢係嚟自「自己友」——校董會主席、合和主席胡應湘，總數有二千五百萬蚊，聽講係哥頓（胡嘅英文名）捐畀香港嘅大學最大手筆嘅一次，佢會喺今日嘅記者會上公布。
呢筆錢部份據講會用嚟喺城大後山興建校友樓，以聯繫校友，加強溝通。自從大學開始積極籌款後，院校都好注重校友，但捐錢起一幢專門用嚟聯繫校友嘅大樓就少見啲。連同城大本身已籌到嘅三千萬，透過第二輪大學籌款計劃，城大肯定至少可以同政府藉配對基金攞多四千五百萬。
傳真︰2623-9278
電郵︰[email protected]