吳君如憑《金雞》獲得金馬影后後，一直沒有再接拍電影，旁人見其男友陳可辛事業如日方中，便以為君如已經上岸，不用為事業搏殺，但原來實情並非如此，她說：「乜嘢上晒岸呀？錢好重要，我都貪錢㗎，我份人又鍾意享受，但又唔係病態嗰種，有生產能力當然唔想靠老公啦，用自己嘅錢開心好多㗎，但工作上面，我係唔想太難為自己。」
堅拒減價
君如續說：「我片酬貴？我又覺得唔係好貴，無情情我又唔想減價呀，但遇到好嘅劇本，我唔收錢都得。其實娛樂圈搵錢係好容易，我之前上北京同陳可辛去做音樂，見到嗰啲舞蹈藝術家，人哋用咗幾十年時間，亦未必有機會成名，我哋呢啲，何德何能呀！」
樂做小丑
吳君如在娛樂圈多年，成功之道是知道自己的位置，她說：「可能我冇乜殺傷力，扮演嘅都係下擺位，即小丑位。有冇唔甘心？我覺得做下擺都開心，明知做唔到上擺，冇理由夾硬做，若下擺位做得好，做做吓自然會變上擺。」
採訪：張止寒
攝影：林德雄
場地提供：悅（海港城）
服裝提供：DKNY
