唔知係咪加息影響，令投資者態度審慎，近排啲標售物業，好少能夠喺截標當日成功交易。好似禮拜四截標嘅上環岑氏商業大廈，代理美聯香港商業部高級營業經理周永雄話，一共接獲三份標書，因為入標者所提出嘅條件唔同，業主重考慮緊。 今次標售嘅係一至三樓，每層三千呎，可分開各層或一併入標。𠵱家只係二樓有租客，租期至○六年四月。