韓君婷、任葆琳、李璨琛等前晚在迫滿賓客的中環酒吧行騷，一班模特兒穿上性感內衣出場，肉光四射。李璨琛行騷之餘，不忘狂昅性感女模，而任葆琳就表示以兇惡眼神盯緊四周，不怕遭人博懵。
任葆琳、韓君婷和李璨琛等前晚為中環蒲點喜喜會的一周年派對行騷，先由外籍模特兒穿上性感內衣出場，之後眾星以便裝及晚裝亮相，由於場內迫滿賓客，穿大露背裝的韓君婷、束衣的任葆琳及晚裝的董敏莉等被迫在人群中穿梭，遭賓客近距離狂影。
自信不怕博懵
任葆琳事後說：「都OK啦，今日唔係着內衣，我重邊行邊同啲friend打招呼。」問她緊貼人群，可有被人博懵？她自信十足說：「我眼看四面、耳聽八方，加埋我對眼咁惡囗住，又有咁多friend在場，冇人敢博我懵嘅！」
不過韓君婷則自稱冇身材，不敢以內衣上陣，她說：「嘩！太多人喇，唔使伸手都摸到，我又冇身材，無謂傷自己心啦！」
贈褻衣增情趣
而李璨琛謂支持老友義務行騷，他說行騷之餘不忘昅內衣洋妞，他說：「行內衣騷我都OK㗎，唔知點解今日冇人叫我行，若果我女朋友行內衣騷我都准㗎，咁係佢工作一部份。」他又謂平日有互送內衣增加情趣，他說：「佢有時買啲孖煙囪，有時買啲一吋、半吋嘅幼邊底褲，我都會照着，增加情趣！我買內衣畀佢，自己都會試着咗先買，我着再鬆少少咪啱佢囉！」
採訪：顏英儀 攝影：陳慧安
