郭羨妮及馬浚偉自多年前因拍劇鬧緋聞後傳出不和，昨日為無綫新劇《滙通天下》拜神時由郭羨妮以一句「你好！」打破隔膜，拍合照時馬浚偉拍一拍女方肩膊，表現親切。
郭羨妮、楊怡、馬浚偉及陳豪等昨日於將軍澳電視廣播城為無綫新劇《滙通天下》拜神，郭羨妮自從多年前與馬浚偉合作後直指男方借緋聞宣傳，兩人因而傳出不和。兩人雖然多次於公開場合碰面，但女方向來視男方透明，而男方更表示需公司批准下才可合照。昨日兩人幾經波折，終於衝破障礙大方合照。
「戲外係同事」
雖然兩人合照前均表示不會尷尬，郭羨妮亦說：「合（照）囉！都唔係乜嘢好嚴重嘅事，我都唔想再諗咁多嘢！我哋戲內係好朋友，戲外係同事。」但當記者要求二人合照時，郭羨妮竟拉着楊怡變成三人合照。
當拜完神後，二人可能熱身完畢，終於表現大方企定合照，而郭羨妮更先開口說：「你好！」身旁的馬仔只識不停笑。雖然兩人明顯表現生疏，但當記者再三要求下，馬仔拍一拍女方肩膊合照。
「多年冇講嘢」
合照完畢後郭羨妮亦笑言大家可以圓滿結局，問到她可有尷尬時，她說：「冇尷尬重好好笑，大家好多年都冇講嘢，大家合作都係想開心。以前件事唔需要再講，大家都淡忘同成熟咗。」當記者指此劇為兩人「破冰之劇」時，馬仔說：「唔使咁嚴重，開心好緊要，我見個個開心我就開心。」
採訪：王崇穎 攝影：何國豪
