白鴿黨一向缺水，每年籌募經費都要動動腦筋，搞搞新意思。好似今年，佢哋就度咗條新橋，由達仔主動出擊，發信畀佢身邊嘅好朋友，希望大家買多啲廿蚊獎券，似乎都係想打友情牌，令各界友好多多益善。
白鴿黨將今年嘅籌款目標訂喺一百六十萬，呢個月二十八日截止，可惜至今佢哋只籌到六十四萬，不但比舊年同期嘅八十五萬失色，亦同目標相差好遠，所以佢哋真係要急起直追至得。
八方聽聞佢哋重有最後一招，就係諗緊可唔可以好似樂施會等組織，叫人透過自動轉帳，每個月貢獻五十蚊畀佢哋；如果得嘅，應該都有唔少人肯認頭。
據聞以前馬丁一落區募捐，善款就源源不絕，可惜今年受到阿涂件事影響，馬丁都少啲落區，改為用電話攻勢，希望淨係用把聲，都可以叫到人科水啦。
傳真︰2623-9278
電郵︰[email protected]