吳卓羲、蔣怡、陳嘉容、陳沛嘉、楊琤、李嘉慧和唐文龍等前晚到金鐘出席服裝專門店開幕活動，吳卓羲以全套贊助服飾上陣，不過他笑言內衣褲是私伙。
企後面都開心
吳卓羲將分別以藝員和歌手身份演出無綫台慶，他坦言近日忙於為台慶排舞，舞蹈員出身的吳卓羲對於日前在香港開騷的韓國跳舞天王Rain的氣勢一時無倆，他說：「我就支持本地貨，我有睇Rain嘅演唱會，睇完之後都係鍾意郭富城（Aaron），始終Aaron喺舞台上變化多啲，自己都係以Aaron為目標，以前跳舞企喺佢後面已經好開心。」
此外，由模特兒轉到娛樂圈發展的蔣怡，對於近日模特兒界的是是非非，她自言沒有留意有關報道。至於陳沛嘉和陳嘉容鬧不和一事，蔣怡說：「我唔知，我識咗陳沛嘉好耐，佢都幾好人，對個個都好熱情，又樂於幫人。總之自己唔會留意呢啲是非。」
採訪：駱華齡
攝影：何國豪
