一志置業太子道西SkyGarden，舊年初高價開賣，銷情理想，一手最高逾萬蚊一呎，今年陸續見有轉手獲利成交。 美聯香靜華話，中層E室，千六呎，連車位以千三萬轉手，呎價八千零四十五。 買家係區內換樓客，鍾意單位四房間隔、景觀開揚，所以睇咗樓三日就扑槌，買嚟自住。 原業主舊年二月以一千一百七十萬買入，兩年唔夠，賺一百五十五萬，層樓升值一成三。