官恩娜前晚與羅慧娟於將軍澳電視城錄影《百法百眾》，官恩娜接受訪問時謂她前晚也有出席無綫的台慶亮燈儀式，她說：「我同薛凱琪企第三排，我哋都有份提名最佳女主角獎，希望有人投票啦，不過我一定冇信心攞獎，其他人演技一定好過我，我希望同劇嘅郭可盈同馬德鐘有獎攞，女主角獎就想汪明荃阿姐得。」
栢芝英文好
問到想不想緋聞男友吳卓羲得獎，官恩娜即掩嘴謂：「公司叫我唔可以講佢，呢啲冇根據嘅緋聞，費事有誤會。」官恩娜近日正與陳小春及張栢芝合拍電影，戲中她還會與劉青雲飾演情侶，官恩娜大讚青雲好人，有教她演戲，又指栢芝毫無架子，提到柏芝現時的英文相當好，官恩娜興奮說：「係呀，我哋間中都講英文㗎。」
採訪、攝影：楊潔雯