朱慧敏早前在日本舉行的國際小姐大賽中，奪得「友誼小姐」榮譽為港爭光，她笑言致勝之道在於主動，打破與各國佳麗之間的隔膜，與眾人多加溝通及互相了解，自然可以建立深厚的友誼。
今次是朱慧敏第二度被無綫派往外地參與國際性選美盛事，在上月二十六日在日本舉行的「第四十五屆國際小姐大賽」中，朱慧敏獲來自五十二個國家及地區的佳麗支持，推選為「友誼小姐」得主。
喜極而泣
猶記得在○四年勇奪香港小姐亞軍時，朱慧敏並未有因此喜極而泣，不過她今次在國際小姐大賽中榮獲「友誼小姐」時，淚水竟一發不可收拾。
朱慧敏說：「呢個獎對於我嚟講係一個極大嘅鼓勵，而且係對我性格嘅一種認同，當宣布我得獎嗰一刻，我喺台上見到工作人員同埋所有佳麗都為我歡呼喝采，然後同我擁抱，我真係忍唔住，我覺得好感動，啲眼淚停唔到，我記得以前就算我讀書，攞到一級成績，我都唔會喜極而泣，今次得獎實在太高興。」
主動繙譯
談到奪得「友誼小姐」的原因時，朱慧敏認為自己為人夠主動，她說：「好多時我會主動同其他佳麗做繙譯，可能咁樣多咗機會同人接觸，亦增加溝通機會，有好多佳麗都係名模或者演員，因為我同呢啲佳麗工作性質差唔多，所以大家好啱傾，無所不談，慢慢建立咗一份深厚感情。」
採訪：楊潔雯
