馬德鐘和姚樂怡前晚在中環出席皮鞋宣傳活動，馬德鐘不但大受兩名穿上黑色bratop和短褲的女模歡迎，其他女嘉賓如殷櫻和陳自瑤等都圍着他傾偈。
馬德鐘、姚樂怡、陳沛嘉、殷櫻、李思欣和陳自瑤等，前晚在中環出席Bass皮鞋活動。大會安排了兩名女模穿上黑色bratop和短褲，不停穿梭於嘉賓中介紹新款皮鞋，而女嘉賓多衣着性感，場面活色生香。兩名女模經常站在馬德鐘身旁，而其他嘉賓李思欣、洪欣和陳自瑤等亦不時和他攀談，逗得馬德鐘笑不攏嘴。
「好難可以翻生」
馬德鐘曾在電視劇《衝上雲霄》中演出，但他的角色最終死去，無綫早前表示有意開拍《衝》劇續集，馬德鐘估計不會有自己份兒，他說：「上集講到我都死咗，好難可以翻生。」有報道指方中信大因檔期問題無暇拍續集，無綫有意找黃秋生助陣，馬德鐘說：「咁我就唔係幾清楚。」
馬德鐘又表示有興趣收集古董，他說：「我屋企有個古董小提琴，當年喺英國買，都花咗六位數字，另外我又收集咗一啲青銅器，我對歷史有興趣，所以好鍾意羅馬呢個地方，佢保留咗好多歷史古迹，將來好想去睇吓兵馬俑。」問到眾多古典美人之中，他最喜歡一人時，馬德鐘說：「我欣賞柯德莉夏萍。」
姚樂怡捐舊衫
此外，姚樂怡前晚盛裝到場，她說：「我自己對古董嘅嘢，一向都冇興趣，反而就好鍾意shopping，我最近先執咗四大袋衣服同鞋去義賣。」
採訪：何永寧 攝影：何榮亮
